Zamenhof-Festo

en Sainte-Gemmes-sur-Loire (Angers)

la 14-an de decembro 2025

...................

(alklaku por pligrandigi)

Nota : journée uniquement en espéranto.

Lastaj novaĵoj :

(la 13an de dec.) La temo de tiu tago estas "Muziko kaj dancoj". Al la listo de prezentotaj muzikiloj mesaĝe sendita (sonorileto, du bekflutoj, du marakoj, senmembrana tamburino, malgranda ĝembo(ĝembeo?), pluvbastoneto, tri malgrandaj kaj unu granda psalterioj, citro) aldoniĝis la jenaj prezentotaj muzikiloj : okarino, ukulelo, valiho de Madagaskaro, kalimbo. Kaj certe estos pliaj. Viaj interesaj / nekutimaj muzikiloj estas bonvenaj.

Prezentotaj estos ankaŭ libroj el la asocia biblioteko rilatantaj al la temo "muziko".
(la 5an de dec.) Jen precizigoj pri la vegana menuo : Douceur du jardin (concombre, courgette, tomate, poivron, oignon, carottes) / Émincé de blé et pois, riz pilaf petit légumes / Salade de fruits).
Korektita definitiva nombro 63 aliĝintoj : 28 (el departemento Maine-et-Loire), 13 (Loire-Atlantique), 8 (Sarthe), 5 (Vendée), 4 (Loiret), 3 (Indre-et-Loire), 1 (Haute-Savoie); 1 (alia).
NE PLU EBLAS ALIĜI ! Limdato pasis jam antaŭ pluraj tagoj.

Programo planita :

9h30 : Akcepto en "salle du Hutreau" (vidu la ĉi-subajn mapetojn), kafo/teo, biskvitetoj...
10h : "Esperantaj spertoj en muzik-festivaloj" (David Guérin).
11h : "Vin invitas la plac-dancado" (XiaoXiao).
12h : "Turdiono kaj kantanta aperitivo".
Tagmanĝo surloke : menuo A (salato "fraîcheur océane" kun fumaĵita salmaĵo kaj senŝelaj tomatoj + kuskuso + ĉokoladŝaŭmaĵo) aŭ menuo B (vegana - detaloj supre en "Lastaj novaĵoj").
14h : La kantistoj kaj muzikistoj Victoria Dubin kaj Gérard Houitte (bekfluto, akordiono, gitaro) muzikos kaj dancigos nin per cirklo-dancoj, ktp.
16h30 : Ĝis baldaŭ !

Dum la paŭzoj : brokantado de Esperanto-libroj kaj -gazetoj kaj aliaj budoj.

La loko : Mapon vi povas vidi sube. Bone notu, ke la evento okazos en la "salle du Hutreau", ne en Angers mem sed en najbara urbo Sainte-Gemmes-sur-Loire (poŝta kodo : 49130), pli precize "norde de Sainte-Gemmes kaj sude de Angers", tre proksime al la suda parto de Angers.
Preciza situo estas : 47.43561601280656, -0.5598910787150189
La distanco inter la SNCF-stacio de Angers kaj la "salle du Hutreau" estas 4,7 kilometroj. Sed per tramo, vi povas iri ĝis la fina stacio "Roseraie" (en la kvartalo Roseraie) kaj restas nur 1,5 km. Se vi bezonas veturigadon, ne hezitu kontakti nin.

La prezo estas 30 eŭroj por la tuta tago : prelegoj, dancado, manĝ(et)oj, ...

La limdato por aliĝi jam pasis. Se vi deziras partopreni, kontaktu nin tuj tuj tuj !

Jen la aliĝilo :

========================================

Propra nomo :  ......................    Familia nomo :  ......................   Telefon-numero :  .............................

Se alia(j) partoprenonto(j), simile :

Propra nomo :  ......................    Familia nomo :  ......................   Telefon-numero :  .............................

Propra nomo :  ......................    Familia nomo :  ......................   Telefon-numero :  .............................

...

Retpoŝt-adreso :  ..............................................@................................................

Mi (Ni) partoprenos en la Zamenhof-Festo dimanĉon la 14-an de decembro 2025, en Sainte-Gemmes-sur-Loire (najbara al Angers)

Mi (Ni) elektas la menuon :    A : ... persono(j)              B : ... persono(j)

Prezo 30 €   x  ..... persono(j)  =  ..... €

========================================

Bonvolu sendi tiun sumon per ĝiro al la IBAN-konto: FR61 2004 1010 1100 2907 9S03 251.

kaj sendi la aliĝilon rete al : info(a)esperanto-angers.fr

============================================

Por atingi la lokon : "Oficialaj" informoj legeblas sur tiu paĝo.

Jen ĉi-sube 3 mapoj por helpi vin. Ilin vi povas ankaŭ elŝuti el tie : 2-paĝa pdf-dosiero.

(alklaku por pligrandigi)

...................

(alklaku por pligrandigi)

...................

(alklaku por pligrandigi)