Kvankam geografie malproksimaj de Japanio, la membroj de la Anĝeva Kultur-Centro de Esperanto sentas sin tre proksimaj al siaj japanaj korespondantoj kaj al ĉiuj Japanoj, des pli ke dank’al Esperanto, ili ĉiutage ricevis novaĵojn el Japanio, rekte, sen perado de tradiciaj kaj oficialaj amaskomunikiloj.

Plian fojon, Esperanto montris sian solidaran flankon kaj la anĝevaj Esperantistoj aldonas siajn voĉojn al tiuj de la tuta mondo por bondeziri al la Japanoj kuraĝon kaj esperon. Same kiel espero estas fundamento de Esper-anto, espero pri pli bona mondo, la membroj de la Anĝeva Kultur-Centro de Esperanto ne nur esperas sed ankaŭ plene fidas, ke la japana popolo sukcesos superi tiujn grandajn malfacilaĵojn..

Sur tiu paĝo estas legeblaj la mesaĝoj regule ricevitaj post la katastrofo.

Por viaj konatoj ne-Esperantistaj, en la franca, ici